Stjórnlagaráð

Hvað eru auðlindir? Hvað er að „eiga“ auðlind? Hverjir eiga auðlindirnar? Þjóðin? Er búið að skilgreina það hugtak?
Þurfum við að hugleiða málið upp á nýtt?

Þegar landnámsmenn komu hér að ónumdu landi, þá tóku þeir sér land. Ég gef mér það að þá hafi þeir alls ekki litið á sig sem þjóð, heldur einstaklinga sem leituðu uppi aðstæður til að halda lífi og komast af. Við þær kringumstæður er hugmyndin um eign og eignarhald ákveðin og snýst um eigandann og HANS eign.

Þegar þjóð hefur myndast fer málið að verða flóknara. Nú segjum við OKKAR land, VIÐ eigum þetta saman! En Þá kemur í ljós að stór hluti landsins er í einkaeign gegnum erfðir eða kaup.

Ein af stærstu auðlindum landsins sem mjög lítið er talað um er ræktarlönd! Þar er mjög oft um einkaeign að ræða.

Í umræðu hér á vefnum var verið að ræða um netlög þar sem sjávarjarðir eiga „rétt“ sem deilt er um hver sé.
Ég er ekki með neinar endanlegar tillögur í þessu máli, en langar til að velta þessu upp. Er (ræktar) landið sameign þjóðarinnar? Eða eins og við segjum í mannréttindakaflanum, allir eru jafnir! Gallinn er bara sá að það eru ekki allir, allir, enn þá!