Hlutverk forseta
Heiðrún Sveinsdóttir
- Heimilisfang: Hrísrimi 6
- Skráð: 10.06.2011 14:09
Það er alveg rétt að þið eruð frábær og að vinna stórkostlegt verk.
Og svo að alvörunni :)
Í umræðum um tillögur B-nefndar kom ýmislegt fram en samt finnst mér vanta nokkra punkta.
Embættisveitingar, af hálfu þings eða ráðherra, bjóða alltaf upp á bitlinga. Ég legg til að ákveðin embætti falli beint undir forseta og hann/hún skipi í þau, að fenginni umsögn ráðgjafarnefndar á hverju sviði.
Þeir aðilar munu því ekki hafa tengsl inn á þing eða til ákveðins flokks, þurfa ekki að „þóknast“ þeim.
- Allir dómarar við alla dómstóla
- Umboðsmaður Alþingis, skuldara, barna og yfirleitt allir umboðsmenn sem ætlað er að koma fram fyrir hönd landsmanna og „vernda“ þá gegn ósanngirni og yfirgangi
- Ríkisendurskoðandi - Ríkissáttasemjari
- Ríkislögmaður - Ríkissaksóknari
- Seðlabankastjóri
- Landlæknir
Bara hugmynd,
Kveðja,
Heiðrún.
Ummæli
Störf Stjórnlagaráðs fara fram fyrir opnum tjöldum og við bjóðum öllum sem fylgja samskiptasáttmálanum að setja inn ummæli á vefinn.
Markmið umræðukerfisins er að bjóða upp á málefnalega og uppbyggjandi umræðu. Ærumeiðandi og óvægin ummæli í garð einstaklinga og þrálátar rangfærslur verða fjarlægð.