Nánari skýringar á skerðingu atvinnufrelsis

Davíð Steinn Geirsson
  • Heimilisfang: Fellsmúli 4
  • Skráð: 22.06.2011 16:34

Í 22. grein mannréttindakaflans segir:

„Öllum er frjálst að stunda þá atvinnu sem þeir kjósa. Þessu frelsi má þó setja skorður með lögum ef almannahagsmunir krefjast.“

Þætti mér gaman að heyra ástæðu þess að undanþágan er sett þarna inn. Ég ímynda mér að ástæðurnar gætu verið t.d. umhverfis- og dýravernd, og takmarkanir á nýtingu sameiginlegra auðlinda, og er mjög sammála þeim sjónarmiðum.

Ég vildi hins vegar sjá nánari útlistun í greininni á þeim kringumstæðum þar sem til greina kemur að skerða atvinnufrelsi einstaklinga, til að koma í veg fyrir misnotkun stjórnvalda framtíðarinnar á greininni. Við þekkjum vel af sögunni að hugtakið „almannahagsmunir“ er hægt að túlka mjög vítt. Vildi ég sjá því útrýmt úr stjórnarskránni, eftir því sem við verður komið.

Ummæli

Störf Stjórnlagaráðs fara fram fyrir opnum tjöldum og við bjóðum öllum sem fylgja samskiptasáttmálanum að setja inn ummæli á vefinn.

Markmið umræðukerfisins er að bjóða upp á málefnalega og uppbyggjandi umræðu. Ærumeiðandi og óvægin ummæli í garð einstaklinga og þrálátar rangfærslur verða fjarlægð.

Samskiptasáttmáli Stjórnlagaráðs
  1. Við fögnum uppbyggilegri rökræðu en líðum ekki persónulegar árásir né misnotkun á umræðukerfinu.
  2. Við hvetjum til gagnrýnnar og upplýsandi umræðu forðumst gífuryrði og leggjum ekki öðrum orð í munn.
  3. Við notum einföld en skýr skilaboð og virðum skoðanir annarra.
  4. Allar athugasemdir sem endurspegla fordóma í garð einstaklings eða hópa verða fjarlægðar.
  5. Við áskiljum okkur rétt til að loka á notendur eftir tvær viðvaranir og þriðja brot á þessum sáttmála.

Þessi vefur er sameign okkar sem höfum áhuga á umræðu um málefni stjórnarskrár Íslands. Það er nýmæli að bjóða upp á opna umræðu af þessu tagi við mótun opinberra skjala og við vonumst til að þessi vefur verði skref í rétta átt í þróun umræðuhefðar á netinu.

Vinsamlega tilkynnið brot á sáttamálanum til umraeda@stjornlagarad.is.