Stjórnlagaráð

Ég vil taka undir tillögur sem Lýðræðisfélagið Aldan og aðrir hafa lagt fram m.a. eftirfarandi:

5. kafli - STÖRF ALÞINGIS

10. gr. Opnir fundir

„Fundir Alþingis eru haldnir í heyranda hljóði.

Þingnefnd getur ákveðið að fundur hennar sé opinn almenningi.‟

Athugasemd: Þingnefndir ættu ávallt að funda í heyranda hljóði nema rökstuddar ástæður séu til annars. Nefndirnar hafa málefni almennings til umræðu. Lokaðir fundir væru þá ógildir fundir.

Í drögum þeim sem hingað til hafa komið fram svo og einnig í leiðbeiningum þeim sem Alþingi lagði Stjórnlagaráði til er ekkert minnst á takmörkun á einni formbirtingu valdsins þ.e. auðvaldsins. Úr þessu þarf að bæta. Auðvaldið er mesta valdið og virkar á almannavaldið, ríkisvaldið og dómsvaldið m.a. fyrir tilstilli eignarhalds á fjölmiðlum. Það þarf að taka þetta til greina og takmarka þetta vald.

Virðingarfyllst,

Methúsalem Þórisson