Athugasemdir við samþykkt ráðsins 1. júlí
Jakob Björnsson
- Skráð: 05.07.2011 10:00
Athugasemd við samþykkt Stjórnlagaráðs frá 1. júlí 2011
Stjórnlagaráð samþykkti hinn 1. júlí ákvæði um náttúru Íslands þar sem m.a. segir:
„Auðlindir í náttúru Íslands sem ekki eru í einkaeign skulu vera sameiginleg ævarandi eign þjóðarinnar“. Þetta felur í sér blátt bann til yfirvalda við að selja jarðir sem eru nú í eigu ríkisins til einkaaðila því að með slíkri sölu er jörðin ekki lengur „sameiginleg og ævarandi eign þjóðarinnar“. Er þetta eðlileg takmörkun á valdi stjórnvalda?
Neðar í samþykkt Stjórnlagaráðs segir: „Nýtingu á náttúrugæðum skuli haga þannig að þau skerðist ekki til langframa...“
Með þessu ákvæði er í raun lagt bann við nýtingu tæmanlegra auðlinda, svo sem kola, olíu, jarðgass, verðmætra málma í jörðu, tæmanlegra byggingarefna o.fl.
Er þetta yfirveguð samþykkt? Þarf ekki að skoða málið betur?
Jakob Björnsson
jakobbj@samnet.is
Ummæli
Störf Stjórnlagaráðs fara fram fyrir opnum tjöldum og við bjóðum öllum sem fylgja samskiptasáttmálanum að setja inn ummæli á vefinn.
Markmið umræðukerfisins er að bjóða upp á málefnalega og uppbyggjandi umræðu. Ærumeiðandi og óvægin ummæli í garð einstaklinga og þrálátar rangfærslur verða fjarlægð.